أخبار قرية الشهابية (حديث الساعة) مكتبة الأجيال

- حيدر ركين جاري (الحلاق) بعدو على حالو عمبيحلق عن جنبو وطرف ما فرقاني معو شئ لإنو بيقول الحق (حسب رأيو) عمبيقول هلق انو بدو يسافر ويتركنا شو رأيكم بها الحكي؟
- علي ابن الأستاذ هاني عاصي (مدير ثانوية ديركيفا الرسمية) كتب كتابو بأميركا الف مبروك إلو
- علي نزيه عاصي اللي مسافر على فنزويلا عرسو نهار السبت بالخزامى على صبية من ميس الله يهنيهم ومبروك الهم 10\3\2009
- الكوفير يمنى نقلت الصالون على سهل المجادل
- حيدر ركين جاري (الحلاق) عمبيقول من جديد إنو بدو ينقل صالونو على جبيل حد بيتو؟؟؟؟؟؟؟؟؟؟؟؟؟
- حيدر ركين الحلاق مريض بالبيت عمبيشتغل بمحلوا لكان طاب نسيم أيوب (الله يشفي حيدر ليرجع يآنسنا بجيرتو)
- فاطمة قشمر فتحت صالون ببناية المهندس محمد قانصو(الحمدالله شغلها ماشي الله يوفقها)
- حيدر كمان عمل عملية الديسك وبدو يطلع من المستشفى عبكره الإثنين بتاريخ 13/4/2009
- عبكرة 13/4/2009 ذكرى الحرب الأهلية اللبنانية (الله يبعدها عننا)

مرحبا بالنسبة لحيدر الحلاق الله يوفقو بيستاهل كل خير انا بيعجبني حربوق وشاطر واكيد اذا ما الو مصلحة بالسفر وملاقي في نتيجة احلى من لبنان ما بسافر لانو بلا حسد عنا ١٠ حلاقين ما بيشتغلو قد حيدر .والله يهني علي ابن الاستاذهاني ومبروك كمان لعلي ابن نزيه شو قصة بيت العاصي عم يتزوجو . ويمنى الكوفيرا محل ما تفتح بيمشي حالها كرمال شاطرة ونفس الشي حيدر كمان اذا فتح بالجبيل كلها روس كبيرة بيمشي حالو. اخيرا تحية لاستاذنا الكبير عبد الحسين وشكرا الو عالموضوع يلي نشرو وبتمنى ما يحرمنا من معلوماتو وتحية كبيرة للمسؤل عن الموقع بس لازم يكون اكبر من هيك وفيه ابواب اكتر للمطالعة والاطلاع على بلدتنا الحبيبة ومنا نكبر الموقع وانا جاهز لاي شي ممكن ساعد فيه والسلام عليكم

- الف شكر لك سيد قاسم قانصو ونأمل من جانبكم المساعدة بتطوير منتدى موقع أخبار بلدة الشهابية (حديث الساعة) آملا بذلك التخفيف عن كاهل المغتربين والغير مقيمين في بلدتنا الشهابية لمواساتهم في غربتهم وربطهم بتراثهم وكذلك لما فيه خير لأبناء البلدة المقيمين ونتمنى أن تكون سباقا في هذا المجال ودمتم

السلام عليكم يا اخي شكرا كتير على ردك يلي فرحني وزعلني فرحني لاني من خلال مكتبتك وموقعها على النت عم شم ريحة بلدي واتعرف عاخبارها وزعلني لانك انت عم تخفف عن المغتربين وتواسيهم بغربتهم ومنك عارف انو الشوق لبلدي واهلي قاتلني هههههه المشكلة يا صاحبي انو انا كمان مسافر بكندا . بس على راسي الموقع والمنتدى وانا كل يوم بحكي علبنان وبعرف شو في اخبار وبنقلها للمنتدى وشكرا الك كتير وعلى فكرة انا بعرفك انو اي شي بحتاجو من مكتبة كنت فوت لعندك وبتمنالك النجاح الك ولمكتبتك سلام يا اخي

مرحبا كيفكم . زار اليوم المرشح امين شري بلدة الشهابية واجتمع مع رئيس البلدية واعضائها ومع مخاتير البلدة للتباحث في شوؤن الانتخبات القادمة

السلام عليكم وفاة طفل صغير من بلدتنا الشهابية عمره ٣ اشهر ابن حسين بيضون او حسين حطب الله يرحمو ويصبر اهلو

سلامتو لحيدر الحلاق والله يا صاحبي شايفلك نحنا تسجلنا بموقع اخبار حيدر الحلاق

- مثل ما بتعرف يا قاسم انا معلوماتي عن البلد مش كتير قوية وأنا بشكرك لإنك زودتنا بعدة مشاركات وبهليومين ؛اعطيك صلاحية الإشراف على المنتدى لإنك أقوى مني وعاود بقلك الف شكر إلك

عفوا يا اخي انا عم امزح ومبسوط فيك وبالموقع ورح كون معك على طول ومتابع لاخبار بلدتنا وانا متلك كمان عمشوف اخبار بلدة سلعا بس ما عم بعرف حدا كرمال هيك ما عم شارك بس رح ضل خادم للموقع حتى يكبر وانا عم جهز اعمال واصدقاء اكتر للمنتدى وبحيك الك والفضل الك بلموقع لو شو ما كانت الاخبار على راسي انتي الله وصراحة فيك خير اكتر من اهل الشهابية لانو ما حدا عمل يلي عملتو الله يعطيك الف عافية

شكرا كتير يا اخي محمد على ثقتك وانشالله بكون عند حسن ظنك . في خبر اليوم بالشهابية موتسيكل بيضرب ولد صغير هوي وبالعرباية وامو جاريتو الحق على مين يا ترى اكيد على الموتسيكل ايمتا دون يريحونا من الموتسيكلات ويحرقوهم

مرحبا . ان لله وان اليه راجعون والله الاخبار مش حلوة بلدنا بس امر الله وتم توفى مبارح حسين فقيه او حسين فياضة الله والفاجعة الكبيرة وفاة طفل عمرو ٥ سنين ابن الشيخ بلال ابن ابو اكرم دعستو سيارة كمان يلي هرسو من عنا اسمو نمر اخوه للشيخ محمود الله يرحمو ويصبر اهلو وهلق حجاج اوادم عخ يحلوها بيناتون انشالله خير ودمتم انشالله

- فقدت الشهابية أحد أطفالها نتيجة حادث سير
- عمر الطفل خمسة سنوات
- ابن الشيخ بلال


- جعله الله عز وجل من طيور الجنة
- وصبر اهله بمصابهم

صباح الخير . اليوم الاخبار ببلدنا تقريبا اسوء من مبارح
ولد عمره ٧ سنين يفقد طحاله جراء حادث سير ابن سليم سلمان ابو السلو
بنت عبودي ابن ابو عكيف اصابت عين ابن عمها بضرب ام حبة او بالبارودة . الله يعين اهلو لانو بنفس الوقت تقريبا ابنو لكبير لحسن ابو عكيف ابنو عمل حادث سير قوي بس انقضت بالحديد الحمدالله على سلامة الجميع . دمتم وشكرا

- اليوم صار حادث سير جديد
- قاسم ابن المرحوم هاني ركين صار معو حادث سير كان راكب على الموتسكل ضربتو سيارة كانت عمتبسوقها بتول بنت علي أبو صافي نعيم من سلعا نقلوه على مستشفى جبل عامل ب صور وعالجولو فخذو من الرضوض وطلع من المستشفى.
- صار هذا الشب عامل أكثر من حادث على الموتسيك انشالله يجيب سيارة ويريح العالم
- والله يشفيه يا رب

مرحبا . حسين رقة ابن الحاج علي رقة كتب كتابو على بنت خالو ابو الزين دقماق الله يهنيهم يا رب

حسن ابو عكيف المعروف عنو ببلدنا انو بيطلع بالصخر بشقو ابصر مين زائرو فبعد ما ابنو لكبير عمل حادث والصغير بنت عمو قوستو بعينو هلق ابنو الوسطاني كسر ايدو هههههههه يا مين يفرجيني شكلو لحسن ابو عكيف

علي ابن الحاج جواد فقيه رجع من فنزويلا وبدو يكتب كتابو الاربعاء الجاي على ندى بنت الحاج مشهور قانصو الله يهنيهم يا رب

فوزي سمادي ابو حسن من فترة صار عندو مشاكل بظهرو وصرو جمعتين متسطح بالبيت كرمال دفش سيارتو لحالو الله يشفيه ويهديه

ابن ابو السلو يلي عمل حادث على الموتسيكل طلع من المستشفى بعد ما شالولو طحالو الله يشفيه

- تم ترقيع الجور في بعض طرقات الشهابية في محلة جبيل وطريق عام الشهابية سلعا ديركيفا

شكرا جزيلا على الأخبار.. فكرة جديدة ان تنقل اخبار البلدة بهذه التفاصيل و مجهود مميز ان تبقي المغتربين على اتطلاع دائم على الاخبار على الرغم من ان بعضها اخبار محزنة .. شكرا جزيلا و ننتظر المزيد..

- ابراهيم العصفور حاول الإنتحار
اخذ كمية كبيرة من الدوا وعرف أحمد زيتون اللي نقلو على المستشفى بصور عاود عالجوه وطاب (الحمدلله على سلامتو)

السلام عليكم
ان لله وان اليه راجعون
انتقل الى رحمة الله تعالى فقيد الشباب الغالي . قاسم الحاج محمد ركين بدبحة قلبية الله يرحمو يارب

رحمه الله وادخله فصيح جناته

ysslamle rab el shheieh w ahlha,,, ya3tikun alf 3efieh ya 2awedem,,w mashkurin ktir 3alla hal 3amal el ra2e3..